Подробности

15 Ақпан 2018

Туған жер - әркімнің шыр етіп жерге түскен, бауырында еңбектеп, қаз басқан қасиетті мекені. Оны қайда жүрсе де жүрегінің түбінде әлдилеп өтпейтін жан баласы болмайды. Елбасы Н.Ә.Назарбаевтың «Болашаққа бағдар: рухани жаңғыру» атты мақаласынан туындайтын «Туған жер» жобасы аясында ауданымыздың  құрылғанына  90 жыл толуына орай аудандық орталық балалар кітапхананың ұйымдастыруымен  «Өңірі-нұрлы, өмірі сырлы, құт мекен» атты  әдеби сазды кеш   өткізілді.

Подробности

15 Ақпан 2018

12 ақпан күні Аманкелді аудандық орталық балалар кітапханасына аудан орталығындағы Ы.Алтынсарин және Ә.Борынбаев атындағы жалпы білім беретін орта мектептерінің  оқушылары аудандық балалар кітапханасына «Кітап білім бұлағы» айдарымен кітапханаға саяхат жасады. Оқушылар кітапхананың қыр-сырын танып, кітапхана қорымен танысып, жаңа әдебиеттерді тамашалады. Балалар кітапханасының меңгерушісі Зарина Амантайқызы  жалпы кітапхана шаңырағында өтетін іс-шаралардың мақсаты мен міндеттерін оқушыларға  түсіндіріп өтті.

Подробности

13 Ақпан 2018

Амангелді аудандық орталық кітапхананың оқу залында ауданымыздың құрылғанына 90 жыл толуына орай «Туған өлкем – тұнған шежіре» атты кең көлемде тұрақты  суретті – кітап көрмесіне  Ә. Боранбаев орта мектебінің оқушыларына арналған саяхат ұйымдастырылды. Бұл іс-шараның мақсаты - өскелең ұрпақтың туған өлкесі жайында білімін жетілдіру, туған елінің , жерінің тарихын зерттеуге және патриоттық тәрбиеге баулу.

Подробности

09 Ақпан 2018

Жыл сайын ақпан айында ақын Мұқағали Мақатаевтың туған күні Үрпек ауылында аталып өтіледі. Жаңа ауыл орта мектебінің кітапханашысы Жетпісбаева Жұмагүлсімнің ұйымдастыруымен 5-11 сыныптар арасында ақиық ақынның туған күніне орай жас қаламгерлер мүшайрасы өтті. Кітапханашы кіріспе сөз сөйлеп, ақын өмірі мен шығармашылығына шолу жасап өтті. Жыр мүшайрасын 9 сынып оқушылары Нұрқанов Ильяс және Қонақбаева Айбибі жүргізді. Сайыстың шарттары «Жырыңнан қуат алам», «Жазары бар жас қалам», «Өзге тілдің бәрін біл» бөлімдері бойынша болды. Мүшарайға 20 бала қатысып, бақтарын сынады. Болашақ жас қаламгерлер анықталды. Ақын өлеңдерін мәнерлеп оқып, өз туындыларын ұсынып, үш тілге ақын өлеңдерін аударған 11-сынып оқушысы Сәрсенғали Жанерке 1-орынға ие болды. Тілегенов Нұртөре 2- орын, 3 орынға Сейткамалова Дамира ие болды. Болашағынан көп үміт күттіретін жас қаламгерлер Әлімжан Ақерке, Табылғанова Динара, Зейнуллина Әйгерім алғыс хаттармен марапатталды. Кеш соңында ақынның «Туған өлкем» әнін Сейткамалаова Дамира нақышына келтіре орындады.

Подробности

09 Ақпан 2018

Табиғат пен адам - егіз ұғым Адамзаттың табиғатсыз күні жоқ, Табиғаттың оны айтатын тілі жоқ. Табиғат - тіршілік көзі. Табиғатты қорғау біздің парызымыз, оның әрбір әсері үлкен роль атқарады. Аяулы табиғатсыз осы ғаламда өмір сүру, тіршілік ету мүмкін емес. Жыл мезгілдерінің өзгеруі де табиғатты одан әрі әсерлендіреді. Әр жыл мезгілдері әр қилы. Төрт жыл мезгілі - төрт түрлі ғажайып күй сыйлайды. Табиғат бізге көп әсемдігін, таза суын, көк аспанын будақ бұлттарымен мөлдір суын береді. Таудан аққан өзен дауысы, жасыл шөптің сылдыры және әр нәрсеге, бізге әсемдік береді. Табиғаттың ғажайып әсемдігін көз алдыңа елестете отырып, өзің бір керемет сезімге бөленесің. Табиғаттың бар әсемдігін, бар кереметін, оның әрбір әсерін сөзбен де, жазумен де жеткізу оңай емес. Жақында Аудандық орталық кітапхананың ұйымдастыруымен «Табиғат және біз» атты кітапханалық сабақ өтті. Мақсаты- оқушылардың табиғат туралы білімдерін молайту, табиғатты қорғау әр адамның міндеті екенін ұғындыру; туған жер табиғатына деген сүйіспеншілігін арттыру, экологиялық тәрбие негізін қалыптастыру, табиғатты қорғай алатын, аялай білетін адамгершілігі мол, ізгілікті  білімі мен мәдениеті жоғары жаңа ұрпақ тәрбиелеу. Іс – шараға Амангелді орта мектебінің 6 сынып оқушылары мен ұстаздары қатысып, табиғат туралы білімдерін толықтыра түсті.